Ózbekstan TJM Qazaqstandaǵy avtobýs órtinde 52 azamatynyń qaza tapqanyn rastady
ASTANA. QazAqparat - Ózbekstan TJM Aqtóbe oblysynda órtengen avtobýsta ózbekstandyq 52 azamattyń qaza tapqanyn málim etti, dep habarlaıdy «QazAqparat» HAA tilshisi.
«Órt kezinde 52 adam qaza taýyp, 5 adam zardap shekken. Salonda barlyǵy 57 adam bolǵan, bastapqy derek boıynsha onyń 55-i Ózbekstan jáne ekeýi QR azamaty», - delingen TJM habarlamasynda.
Sondaı-aq, Ózbekstannyń Respýblıkasynyń Qazaqstandaǵy konsýly Shýhrat Teshabaev Almatydan oqıǵa ornyna attandy.
Eske salaıyq, tótenshe jaǵdaı Aqtóbedeg 320 shaqyrym qashyqtyqta Qalybaı kentinen 10 shaqyrym jerde «Samara-Shymkent» tasjolynyń boıynda bolǵan.
Jedel shtabta belgili bolǵandaı, avtobýs Ózbekstannan Reseıge kúnkóris qamymen bara jatqan. Onda Ózbekstannyń 54 azamaty men 3 qazaqstandyq bolǵan. Avtobýsta shyqqan órt saldarynan 52 ózbekstandyq qaza tapty. Tiri qalǵandardyń arasynda 3 qazaqstandyq jáne 2 ózbekstandyq bar. Olardy jeńil deńgeıde kúıik shalǵan. Oqıǵanyń mán-jaıy tergeý amaldary barysynda anyqtalmaq.
