Ózbekstan týrızmdi damytý úshin 10 mln oqyrmany bar sheteldik blogerlerdi shaqyrady
TAShKENT. KAZINFORM – Ózbekstan týrızmdi damytý úshin elge tanymal sheteldik blogerlerdi tartýdy josparlap otyr. Bul týraly prezıdent Shavkat Mırzıeevtiń qatysýymen ótken keńeste málim boldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstan basshysynyń baspasóz qyzmetinen málim etkendeı, Shavkat Mırzıeev 10 mln-nan astam aýdıtorııasy bar 50 sheteldik blogerdi elge shaqyryp, olar úshin týr uıymdastyrýdy tapsyrdy.
Sonymen qatar 1 qazanǵa deıin Ózbekstanda ulttyq týrıstik brend jaıly kontent jasaýshylardyń arasynda konkýrs ótedi. Bul baǵyttaǵy isterge bıyl 5 mln dollar qarajat bólinedi.
Buǵan qosa, Shavkat Mırzıeev mınıstrlik jáne tıisti vedomstvolarǵa elektrondyq vıza júıesin jetildirý, týrısterge yńǵaıly bolý úshin mobıldi qosymshalardy iske qosýdy tapsyrdy.
Aıta keteıik, ústimizdegi jyly Ózbekstan 11 mln sheteldik týrısti qabyldap, olardan túsetin kiristi 2,5 mlrd dollarǵa jetkizýge nıetti.
