Ózbekstan turǵyndarynyń 12 paıyzy joǵary bilim alǵan
ASTANA. KAZINFORM — Ózbekstanda júrgizilgen halyq sanaǵynyń nátıjesi boıynsha 15 jastan asqan 3,2 mıllıonnan astam adamnyń joǵary jáne joǵary oqý ornynan keıingi bilimi bar. Bul atalǵan jas tobyndaǵy turǵyndardyń 12 paıyzyn quraıdy, dep habarlaıdy Kazinform.
Ulttyq statıstıka komıtetiniń málimetinshe, 9,7 mıllıon adam (35,8 paıyz) orta arnaýly jáne kásiptik bilim alǵan. Al 11,6 mıllıon turǵynnyń (42,8 paıyz) jalpy orta bilimi bar. https://t.me/statistika_ru/1586
15 jastan asqan árbir 1 000 adamnyń 120-sy joǵary jáne joǵary oqý ornynan keıingi, 358-i orta arnaýly jáne kásiptik, al 428-i jalpy orta bilim alǵan.
Sondaı-aq halyq sanaǵynyń deregine sáıkes, Ózbekstannyń bilim berý uıymdarynda jeti jastan asqan 9,6 mıllıon adam bilim alady. Onyń 4,95 mıllıony (51,5%) – erler, al 4,66 mıllıony (48,5%) – áıelder.
Joǵary oqý oryndarynda 1,73 mıllıon adam bilim alyp jatyr. Olardyń 49 paıyzy – áıelder.
Buǵan deıin Ózbekstanda halyq sany bir jylda 700 myń adamǵa óskeni habarlanǵan bolatyn.