Ózbekstan týmasy jarnamalyq Dolce & Gabbana kompanııasynyń betke ustaryna aınaldy
TAShKENT. QazAqparat - 22 jastaǵy Ózbekstan týmasy Irına Sharıpova Dolce & Gabbana-nyń jańa jarnamalyq kompanııasyna qatysatyn boldy.
Irına Sharıpova 1992 jyly 7 aqpanda Buharada týǵan. 7 jasynda anasymen birge (model, «Buhara arýy» jáne «Ózbekstan vıtse-mısi») ájesine, Tatarstannyń Apastovo jerine kóshken. Qazan memlekettik tehnologııalyq ýnıversıtetiniń moda jáne dızaın fakýltetine oqýǵa tústi. Irına «Tatarstan-2010 arýy», keıin «Reseı-2010 birinshi vıtse-mısi» ataqtaryna ıe bolǵan. Sondaı-aq ol «Álem arýy» baıqaýynda Reseıdiń namysyn qorǵaǵan edi.
Osydan keıin baǵy jandy: qazir 22 jasynda ol Giorgio Armani, John Galliano-men jumys jasaýda, sondaı-aq Dolce & Gabbana jarnamasyna qatysyp, Chanel úıindegi kórsetilimde jetekshi modelderdiń birine aınaldy.
