Ózbekstan transaýǵan temirjolynyń qurylysyn bıyl bastaýǵa nıetti
TAShKENT. KAZINFORM – Ózbek tarapy transaýǵan temirjol dáliziniń qurylysyn bıyl bastaýdy josparlap otyr, dep habarlaıdy Kazinform agenttiginiń menshikti tilshisi.
«O'zbekiston 24» telearanasyna suhbat bergen Ózbekstannyń Kólik mınıstri Ilhom Mahkamov Pákistan men Irannyń porttaryna shyǵýǵa múmkindik beretin joba zerdelenip jatqanyn atap ótti. Ol úshin Aýǵanstan arqyly ótetin 80 shaqyrym aýmaqqa qosymsha temirjol salý josparlanǵan.
- Eger 2024 jyldyń sońynda birlesken «Qytaı - Qyrǵyzstan – Ózbekstan» temirjolynyń qurylysy bastalsa, bıyl transaýǵan dálizi salyna bastaıdy, - dedi I.Mahkamov.
Eske salaıyq, buǵan deıin Tashkent pen Kabýl transaýǵan temirjolynyń qurylysyn jedeldetýge múddeli ekenin jazyp edik.
Buǵan deıin Qazaqstan men Túrikmenstan transaýǵan dálizin salýǵa qatysýy múmkin ekenin habarlaǵan bolatynbyz.
Sondaı-aq sarapshylar transaýǵan dálizi Ortalyq Azııa elderine qandaı múmkindik ashatynyn baǵdarlap kórgen edi.