Ózbekstan tól álipbıine ózgeris engizip jatyr
TAShKENT. KAZINFORM — Ózbekstannyń Zań shyǵarý palatasy (parlamenttiń tómengi palatasy) latyn qaripine negizdelgen ózbek álipbıine ózgeris engizý týraly zańdy qabyldap, qujatty Senatqa joldady, dep habarlaıdy Kazinform agenttiginiń Tashkenttegi menshikti tilshisi.
Zań jobasyn tanystyrǵan Ózbekstan Ǵylym akademııasy prezıdentiniń orynbasary Bahrom Abdýhalımovtiń aıtýynsha, álipbı túbegeıli ózgermeıdi. Másele qoldanystaǵy nusqadaǵy tórt tańba — «o‘», «g‘», «ch» jáne «sh» tóńireginde bolyp otyr.
Túzetýlerge sáıkes, endi ózbek álipbıinde 26 árip emes, 28 árip bolady jáne 1 dáıekshe qosylady. Usynylǵan nusqada qazirgi ýaqytta eki tańba arqyly jazylyp júrgen áripter bir tańbamen almastyrylady. Atap aıtqanda, «Sh» — «Ş», «Ch» — «Ç», «Oʻ» — «Ö», al «Gʻ» ornyna «Ğ» qoldanylmaq. Álipbıdegi qalǵan áripter ózgerissiz qalady.
Depýtattar zań jobasyn úshinshi oqylymda qabyldap, ony Senattyń qaraýyna joldady.
Qosa ketsek, taıaýda Ózbekstanda kitap oqý mádenıetin damytýǵa arnalǵan aýqymdy baǵdarlama bastaý aldy.
Sonymen qatar Ózbekstanda kóp kitap oqyǵan sheneýnikterge aqshalaı syıaqy berilmek.
Munymen birge Ózbekstanda kitap oqyǵan sottalǵandardyń jaza merzimi qysqarady.
