Ózbekstan TMD-nyń ónerkásip salasyndaǵy kelisimine qosyldy

TAShKENT. ÓzA – QazAqparat – Ózbekstan 2012 jyly 30 mamyrda Ashhabadta Táýelsiz Memleketter Dostastyǵy Úkimet basshylary keńesiniń otyrysynda qol qoıylǵan kelisimge qosyldy. Bul týraly QazAqparat ÓzA agenttigine silteme jasap habarlaıdy.

Ózbekstan Prezıdentiniń «Halyqaralyq shartqa qosylý týraly» Jarlyǵyna oraı, Ózbekstan TMD-ǵa múshe memleketterdiń óndiristik kooperatsııasy jáne ónerkásiptik saıasaty keńesin qurý týraly kelisimine qosyldy.

Kelisimge baılanysty qatysýshy taraptar TMD-ǵa múshe memleketterdiń ónerkásip salasynda kelesi baǵyttar boıynsha yntymaqtastyq jasaıdy:

· óndiristik saıasat týraly sheshimderdi ózara kelisim boıynsha ázirleý;

· óndiristik yntymaqtastyq týraly TMD sheńberinde qabyldanǵan halyqaralyq kelisimder men sheshimderdiń oryndalýyn qamtamasyz etý;

· osy Kelisimge qatysýshy memleketterdiń jekelegen salalardaǵy yntymaqtastyǵynyń negizgi baǵyttaryn anyqtaý, ónerkásip salasyndaǵy yntymaqtastyqty damytýdyń negizgi baǵyttaryn úılestirý, birlesken baǵdarlamalar men jobalardyń tizbesin qalyptastyrý;

· salalar men bıznestiń básekege qabilettiligin jáne turaqty damýyn arttyrýǵa baǵyttalǵan ónerkásip salasyndaǵy birlesken qyzmetti úılestirý jáne t.b.

Ózbekstanda osy Halyqaralyq kelisimniń oryndalýyna Ekonomıkalyq damý jáne kedeılikti tómendetý mınıstrligi jaýapty quzyretti organ retinde taǵaıyndaldy.