Ózbekstan TMD-da qylmystyq kiristerdi zańdastyrý táýekelin zerdeleıtin ortalyq qurýdy maquldady
TAShKENT. KAZINFORM – Ózbekstan prezıdenti Shavkat Mırzıeev Qylmystyq jolmen alynǵan kiristerdi zańdastyrý jáne terrorızmdi qarjylandyrý táýekelderin baǵalaý jónindegi TMD halyqaralyq ortalyǵyn qurýdy kózdeıtin shartty bekitti.
Qujatqa 26 tamyzda qol qoıyldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstan basshysynyń qaýlysyna saı, atalǵan halyqaralyq shartty iske asyrýǵa Ekonomıkalyq qylmystarǵa qarsy kúres departamenti jaýapty bolady.
Al mınıstrler kabıneti men tıisti vedomstvo basshylary halyqaralyq shart kúshine engennen keıin belgilengen tártippen onyń júzege asýyn baqylaýǵa mindetti.
Eske salaıyq, atalǵan ortalyqty qurý týraly kelisimge byltyr qazanda Bishkekte ótken TMD-ǵa qatysýshy memleket basshylarynyń keńesinde qol qoıylǵan edi.
Qujat barlyq qatysýshy taraptarǵa habarlama joldanyp, memleketishilik rásimder aıaqtalǵannan keıin 30 kún ótip, kúshine enedi.
