Ózbekstan Tájikstandaǵy «Rogýn» GES-inen elektr energııasyn ımporttaıdy

TAShKENT. KAZINFORM – Tájikstan úkimeti «Rogýn» gıdroelektrostantsııasynda óndirilgen elektr energııasyn Ózbekstanǵa eksporttaý kelisimin maquldady, dep habarlaıdy Kazinform agenttiginiń menshikti tilshisi. 

Өзбекстан Тәжікстандағы «Рогун» ГЭС-інен электр энергиясын импорттайды
Фото: rogunges.tj

Qujatta jazylǵandaı, «Rogýn GES» ashyq aktsıonerlik qoǵamy elektr energııasyn ózbekstandyq «O'zenergosotish» kompanııasy arqyly eksporttaıdy.

- 1 kVt saǵat elektr energııasynyń jobalyq quny - 0,034 dollar, al qosymsha qun salyǵynyń mólsheri - 0%, - delingen Tájikstan úkimetiniń qaýlysynda.

Buǵan deıin habarlaǵanymyzdaı, aldaǵy eki jyl ishinde Ózbekstanda 3 myńǵa jýyq shaǵyn GES salynady.

Sonymen qatar birneshe kún buryn Tájikstannyń Reseımen birlesken GES aldyndaǵy 297 mln dollar qaryzy keshiriletinin jazyp edik.

Qosa ketsek, sarapshylardyń pikirinshe, Qazaqstan, Ózbekstan jáne Qyrǵyzstan birlesip salyp jatqan «Qambar ata» GES-i Ortalyq Azııanyń energetıkalyq áleýetin nyǵaıta túsedi.

Сейчас читают