Ózbekstan Tájikstandy gazsyz qaldyrdy
ASTANA. 4 qańtar. QazAqparat - Ózbekstan eskertýsiz Tájikstanǵa tabıǵı gazdy jetkizýdi tolyq toqtatty. Bul týraly Ýtro.rý saıty tájik SІM-ine silteme jasap habarlaıdy. Osyǵan baılanysty Ózbekstan Prezıdenti Islam Kárimov elshi arqyly Tájikstan basshysy Emomalı Rahmonnan hat aldy.
Bir jarym aı buryn «Óztransgaz» Tájikstanǵa eksporttaıtyn gaz baǵasyn kóterdi. Gaz bir tekshe metr úshin 26 dollardan 311 dollarǵa deıin qymbattady. Budan basqa, ótken jyly Ózbekstan kórshiles elge 20 mln. tekshe metr (jospar boıynsha - 180 mln. tekshe metr) gazdy jetkizgen joq. Ózbekstannan ımporttalatyn tabıǵı gazdy negizinen Tájikstannyń alıýmınıı zaýyty paıdalanǵan. Tájik tarapy ótken jyly 2012 jyly gazdy jetkizý kelisimine qol qoıýǵa talaptanǵan, alaıda ózbek kompanııasy óziniń tájik áriptesteriniń ótinishin áldeneshe ret keıinge qaldyrǵan.
