Ózbekstan Taıaý Shyǵystaǵy shıelenistiń iri qaqtyǵysqa ulasýyna alańdaýly

TAShKENT. KAZINFORM — Ózbekstannyń Syrtqy ister mınıstrligi Taıaý Shyǵystaǵy jaǵdaıǵa qatysty málimdeme jasady, dep habarlaıdy Kazinform agenttiginiń menshikti tilshisi.

Vedomstvodan atap ótkendeı, ózbek tarapy Taıaý Shyǵystaǵy shıelenis aımaqtaǵy jańa iri qaqtyǵysqa ulasýy múmkin ekenine alańdaýly.

— Barlyq taraptardy aýyr saldarǵa alyp keletin qadamdarǵa barýdan bas tartýǵa shaqyramyz. Biz ustamdylyq qaǵıdaty negizinde daǵdarysty halyqaralyq quqyq sheiberinde sheshýdi oryndy dep sanaımyz. Saıası-dıplomatııalyq tájirıbege súıene otyryp, máseleni ózara tıimdi dıalog arqyly retteý bastamasyn quptaımyz, — dep málim etti kórshiles eldiń Syrtqy ister mınıstrliginen.

Ózbekstan taraptardyń óńirlik qaýipsizdikti nyǵaıtýǵa baǵyttalǵan josparlaryn qoldaıdy, tıisinshe jaǵdaıdy tez arada turaqtandyrýǵa bolatynyna senim bildiredi.

Eske salaıyq, 28 aqpanda Izraıl Tegeranǵa soqqy jasady.

Taıaý Shyǵystaǵy jaǵdaıǵa baılanysty Almaty men Astanadan ushyp shyqqan ushaqtar keri oralatyny belgili boldy.

Iran Izraılge qarymta jaýap retinde birneshe zymyran jiberdi.

Al Qazaqstannyń SІM Irandaǵy Qazaqstan azamattarynyń arasynda zardap shekkender joq ekenin málimdedi.

Sondaı-aq, Prezıdent Qasym-Jomart Toqaev Qaýipsizdik Keńesiniń Hatshysy Ǵızat Nurdáýletovke Taıaý Shyǵystaǵy ahýaldyń shıelenisýine baılanysty birqatar tapsyrma berdi.