Ózbekstan Taıaý Shyǵys elderinen 19,3 myńnan astam otandasyn evakýatsııalady

TAShKENT. KAZINFORM – 1-7 naýryz aralaǵynda eldiń Syrtqy ister mınıstrligi Taıaý Shyǵys memleketterinen 19 347 ózbekstandyqty evakýatsııalady, dep habarlaıdy Kazinform agenttiginiń Tashkenttegi menshikti tilshisi.

Vedomstvonyń málimetinshe, 7 naýryz kúni Saýd Arabııasynan Tashkentke 9 reıs uıymdastyrylyp, sáıkesinshe 1 680 adam Otanyna oraldy. Sonymen qatar, Birikken Arab Ámirlikterinen 394 azamat elge qaıtaryldy.

Sondaı-aq, keshe ózbek tarapy Irannan - 5, al Qatardan 208 adamdy evakýatsııalady. Dohada qalǵan taǵy 126 azamat charterlik reıspen búgin elge oralady.

Syrtqy ister mınıstrliginen atap ótkendeı, ózbekstandyqtardy Otanyna qaıtarý sharalary kezeń-kezeńimen júzege asyp jatyr.

Eske salaıyq, 5 naýryzǵa deıin Ózbekstan Taıaý Shyǵys elderinen 9,3 myńnan astam otandasyn evakýatsııalady. 

3 naýryzda Irandaǵy 13 ózbekstandyq Túrikmenstan arqyly Otanyna oraldy. 

Buǵan deıin habarlaǵanymyzdaı, Ózbekstan Taıaý Shyǵystaǵy shıelenistiń iri qaqtyǵysqa ulasýyna alańdaýshylyq bildirdi. 

Tıisinshe, Ózbekstan prezıdenti Shavkat Mırzıeev Taıaý Shyǵystaǵy qaqtyǵysqa baılanysty jaýapty mınıstrlikke eldiń qorǵanys áleýetin nyǵaıtýdy tapsyrdy. 

28 aqpanda Prezıdent Qasym-Jomart Toqaev Qaýipsizdik Keńesiniń Hatshysy Ǵızat Nurdáýletovke Taıaý Shyǵystaǵy ahýaldyń shıelenisýine baılanysty qaýipsizdik jóninde tapsyrma berdi. 

Sondaı-aq 4 naýryzda Memleket basshysy Qasym-Jomart Toqaev kúshtik qurylymdarǵa ınfraqurylym qaýipsizdigin baqylaýdy tapsyrdy.