Ózbekstan SІM Taıaý Shyǵystaǵy jaǵdaıǵa qatysty málimdeme jasady
TAShKENT. KAZINFORM – Ózbekstan tarapy jaǵdaıdyń kúrt shıelenisýine alańdaýshylyq tanytyp otyr. Kórshiles eldiń Syrtqy ister mınıstrligi Taıaý Shyǵystaǵy qaqtyǵysqa baılanysty osyndaı málimleme jasady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
«Ózbekstan Taıaý Shyǵystaǵy jaǵdaıdyń kúrt shıelenisýine alańdaýly. Qaqtyǵystyń arta túsýi búkil halyqaralyq qaýymdastyq úshin teris saldarǵa, aımaqta qaýip-qaterdiń eselenýine ákelýi yqtımal dep sanaımyz. Qarsylas taraptardy ustamdylyq tanytýǵa jáne jaǵdaıdy odan ári shıelenistiretin áreketterge barmaýǵa shaqyramyz», - delingen Ózbekstannyń syrtqy saıası vedomstvosynyń málimdemesinde.
Ózbek tarapy halyqaralyq normalar men BUU Qaýipsizdik keńesiniń sheshimderine sáıkes, qaqtyǵysty beıbit jolmen retteýge baǵyttalǵan sharalar qabyldaý qajettigin atap ótti.https://mfa.uz/ru/press/news/2024/zayavlenie-mid-respubliki-uzbekistan---36418
