Ózbekstan: ShYU sammıti kezinde Samarqand qalasyna kirýge shekteý qoıyldy

SAMARQAND. QazAqparat - 14-17 qyrkúıekte Shanhaı yntymaqtastyq uıymynyń sammıtine baılanysty Ózbekstan turǵyndary men qonaqtaryna Samarqand qalasyna barmaý usynyldy, dep habarlaıdy QazAqparat tilshisi Samarqand oblysy ishki ister departamentiniń baspasóz qyzmetine silteme jasap.

Mınıstrliktiń habarlaýynsha, joǵary deńgeıli sharaǵa baılanysty Ibn Sına, Býstonsaroı, Namozgoh, Sadrıddın Aını, Regıstanskaıa, Rýdakı, Ýsto Ýmar Djýrakýlov, Islam Karımov, Berýnıı, Mırzo Ýlýgbek, Gýlobod, Mýkımı jáne Dagbıtskaıa kóshelerinde, sondaı-aq Ýnıversıtet býlvary aýmaqtarynda, Afrosıab, Shahı Zında ǵıbadathanasy aýmaǵynda qoǵamdyq kólikter qozǵalysy toqtatylady.

«14-15-16 jáne 17 qyrkúıekte Samarqand qalasyna kelýdi josparlaǵandardan saparlaryn basqa ýaqytqa aýystyrýdy suraımyz. Dál osy kúnderi Samarqand qalasyna kirýge shekteý qoıylady», - dep habarlady ІІD.

Vedomstvo bul kúnderi Samarqandqa kiretin joldar jabylyp, tranzıttik vagondar úshin aınalma joldar uıymdastyrylatynyn aıtty. Tek jedel medıtsınalyq kómekke muqtaj adamdar men Tótenshe jaǵdaılar basqarmasynyń qyzmetkerlerine kóshelerdi aınalyp ótýge ruqsat etilgen.