Ózbekstannan gýmanıtarlyq kómek tıelgen 15 júk kóligi keldi

TÚRKІSTAN. KAZINFORM-Sý tasqynynan zardap shekken aımaqtarǵa tıisti kómek kórsetilip jatyr. Sondaı-aq, ózge óńirlermen qatar kórshiles memleketter de qıyn-qystaý kezeńde járdemdesýde.

Búgin Ózbekstan Respýblıkasynan Qazaqstanǵa 15 júk kóligine tıelgen gýmanıtarlyq kómek keldi. Ony arnaıy súıemeldeý qyzmeti Keles aýdany aýmaǵyndaǵy B.Qonysbaev keden beketinen kútip aldy. Túrkistan oblysy ákiminiń birinshi orynbasary Zulpyhar Joldasov pen Keles aýdanynyń ákimi Jánibek Aǵybaev kórshiles eldiń bul kómegine rızashylyǵyn bildirip, alǵysyn aıtty. 

Bul gýmanıtarlyq kómek kerýenin Túrkistan oblysynyń tótenshe jaǵdaı departamenti qyzmetkerleri Qaraǵandy oblysynyń Saryshaǵan eldi mekenine, Balqash qalasyna, Qaraǵandy qalasyna deıin súıemeldep, jetkizip beredi.

Aıta keteıik, buǵan deıin Qyrǵyzstannan jiberilgen gýmanıtarlyq kómek kólikteri sý tasqynynan zardap Aqtóbe qalasyna jetkizilgen bolatyn.