Ózbekstan prezıdenttigine úmitkerlerdi usyný 30 qyrkúıekte ótedi
ASTANA. QazAqparat - Ózbekstan prezıdenttigine úmitkerlerdi usyný 30 qyrkúıekte bastalyp, 20 qazanda aıaqtalady, dep málimdedi Ózbekstan OSK tóraǵasy Ýlýgbek Ábdýsalomov. Bul týraly podrobno.uz habarlady.
Buǵan deıin habarlanǵandaı, ol Ózbekstanda prezıdent saılaýy 4 jeltoqsanda ótetinin málimdegen bolatyn.
«30 qyrkúıekten bastap 20 qazan aralyǵynda saılaý týraly zańnamaǵa sáıkes úmitkerlerdi tirkeý rásimi júrgiziledi», - dep habarlady Ábdýsalomov.
Ortalyq saılaý komıssııasynyń otyrysynda prezıdent saılaýyn ázirleý jáne ótkizý jónindegi negizgi is-sharalar baǵdarlamasy bekitildi. Otyrys barysynda osyǵan qatysty barlyq sharalardy saılaý komıssııalary quraıtyn Ózbekstan OSK ashyq ári jarııalyly túrde ótkizetini málim etildi.
