Ózbekstan prezıdenttigine úmitker I.Karımov bızneske qysym jasaıtyn sheneýniktermen kúrespek
TAShKENT. QazAqparat - Respýblıkalyq BAQ-tarda Ózbekstan prezıdenttigine osy eldiń Lıberaldy-demokratııalyq partııasynyń atynan saılaýǵa qatysatyn úmitker Islam Karımovtyń baıandamasy jarııalandy.
Islam Karımov málimdegendeı, onyń saılaýaldy platformasyndaǵy negizgi baǵyttarynyń biri bıznes quqyqtaryna qysym jasaıtyn sheneýniktermen kúresý bolmaq.
«Jeke múlik pen jeke kásipkerlikti damytý jolynda kóptegen ákimshilik kedergiler týyndap jatady. Sheneýnikter kásipkerlerdiń quqyqtary men jeke múddelerine qysym kórsetýdiń birneshe mysalyn keltirýge bolady. Bul máseleni túbegeıli sheshýimiz qajet», - dep atap ótti Karımov.
Onyń sózine qaraǵanda, jeke kásipkerlerdiń shıkizat resýrstaryna qol jetimdilik mehanızmin jeńildetip, úrdisti ashyq júrgizý qajet.
