Ózbekstan prezıdentiniń kishi qyzy jańa qyzmetke taǵaıyndaldy

ASTANA. KAZINFORM – Shahnoza Mırzıeeva Ózbekstan Ulttyq paralımpıada komıteti tóraǵasynyń birinshi orynbasary bolyp saılandy. 

Ózbekstan Ulttyq paralımpıada komıtetiniń atqarýshy jınalysynyń tıisti sheshimimen Shahnoza Shavkatovna Mırzıeeva Ózbekstan Ulttyq paralımpıada komıteti tóraǵasynyń birinshi orynbasary qyzmetine saılandy. Bul týraly komıtettiń baspasóz qyzmeti habarlady. 

Buǵan deıin Shahnoza Mırzıeeva Ózbekstan prezıdenti janyndaǵy ulttyq áleýmettik qorǵaý agenttigi dırektorynyń birinshi orynbasary qyzmetin atqardy. 

Esterińizge sala keteıik, 2024 jyly Parıjde ótken Olımpıadada ózbekstandyqtar bokstan bes altyn medal jeńip aldy.