Ózbekstan prezıdentimınıstrlikke eldiń qorǵanys áleýetin nyǵaıtýdy tapsyrdy

TAShKENT. KAZINFORM — Ózbekstan prezıdenti Shavkat Mırzıeevtiń tóraǵalyǵymen eldiń qorǵanys áleýetin nyǵaıtý máseleleri boıynsha keńes ótti, dep habarlaıdy Kazinform agenttiginiń Tashkenttegi menshikti tilshisi.  

Ózbekstan basshynyń baspasóz qyzmetinen málim ótkendeı, álemdegi qaqtyǵystar men kúsheıgen geosaıası básekelestik jańa qaterlerdiń týyndaýyna alyp kelýi yqtımal. Keıbir óńirdegi áskerı is-qımyldardyń sońy iri gýmanıtarlyq jáne ekonomıkalyq shyǵynǵa ulasady. Sondyqtan eldiń qorǵanys qaýqaryn nyǵaıtý mańyzdy.

Tıisinshe, keńeste Qorǵanys mınıstri Shýhrat Halmýhamedov áskerdiń jaýyngerlik ázirligin arttyrý, olardy zamanaýı qarý-jaraqpen jáne tehnıkamen jaraqtandyrý boıynsha júrgizilip jatqan jumystardy baıandady.

— Damyǵan memleketterdiń ozyq tájirıbesi negizinde salanyń basqarý jáne daıyndyq júıesine zamanaýı tásilderdi engizý máseleleri talqylandy. Atap aıtqanda, áskerdiń tıimdiligin arttyrý úshin jańa tehnologııalardy keńinen qoldaný qajettiligi aıtyldy, — delingen Ózbekstan prezıdentiniń baspasóz qyzmeti tartqan habarlamada.

Keńes qorytyndysy boıynsha Shavkat Mırzıeev jaýapty vedomsvo basshysyna Qarýly Kúshterdi odan ári damytý jáne eldiń qorǵanys áleýetin kúsheıtýge baǵyttalǵan birqatar tapsyrma berdi.

Eske salsaq, 28 aqpanda Prezıdent Qasym-Jomart Toqaev Qaýipsizdik Keńesiniń Hatshysy Ǵızat Nurdáýletovke Taıaý Shyǵystaǵy ahýaldyń shıelenisýine baılanysty qaýipsizdik jóninde tapsyrma berdi.