Ózbekstan prezıdentiniń qyzy ánshiligin jalǵastyrmaıtyn boldy
ASTANA. 20 tamyz. QazAqparat - Ózbekstan prezıdentiniń úlken qyzy Gúlnár Kárimova ánshilikpen kásibı túrde aınalyspaıtynyn aıtty.
«Ánshilikpen kásibı túrde aınalysamyn dep oılamaımyn. Árkim óz isimen aınalysýy kerek», - dedi Kárimova. Bul týraly RIA Novostı-ge silteme jasap, Eýrazııa birinshi arnasy habarlaıdy.
Bıyl Googoosha legen laqap aty bar Gúlnár Kárimovanyń ánjınaǵy shyqqan bolatyn. Ánjınaqqa aǵylshyn tilindegi 12 án kirgen.
Ánjınaqty daıyndaýǵa tanymal reseılik prodıýser ári kompozıtor Maksım Fadeev atsalysty.
Aıta keteıik, Ózbekstan prezıdentiniń úlken qyzy ánshilikti 10 jyl buryn bastaǵan edi. Sol kezde Gúlnár sózin ózi jazǵan ánderin oryndaǵan bolatyn. Odan keıin ol Hýlıo Iglesıas jáne Montserrat Kabalemen de birge án shyrqady.
«Kásibı ánshi munyń barlyǵyn menen áldeqaıda jaqsy jasaıdy. Bireýdiń nanyn tartyp jegim kelmeıdi. Tek keıde kórermenderime kóńilimnen shyqqan dúnıelerimdi usynyp otyramyn. Ol keıde kartına, keıde óleń nemese án bolyp jatady», - dedi Kárimova.
