Ózbekstan Prezıdentin saılaý 4 jeltoqsanda ótedi
ASTANA. QazAqparat - Ózbekstan Prezıdentin saılaý 4 jeltoqsanǵa belgilendi, dep habarlady Ózbekstan Ortalyq saılaý komıssııasy. Saılaý naýqany 2016 jylǵy 9 qyrkúıekte bastalady.
«ÓR Konstıtýtsııasynyń 96, 117-baptaryna, sondaı-aq «ÓR Prezıdentin saılaý týraly» Zańnyń 8-babyna, «ÓR Ortalyq saılaý komıssııasy týraly» zańnyń 5 jáne 9-baptaryna sáıkes jeksenbi, 2016 jylǵy 4 jeltoqsandy Prezıdentti saılaý kúni dep belgileý jóninde sheshim qabyldandy. Osyǵan baılanysty, Ortalyq saılaý komıssııasy saılaý boıynsha naýqandy osy jylǵy 9 qyrkúıekten bastaıtyny jaıly habarlady», - delingen OSK habarlamasynda.
Ortalyq saılaý komıssııasynyń otyrysynda Ózbekstan Respýblıkasy Prezıdentin saılaýǵa ázirlik jáne ony ótkizý boıynsha negizgi sharalar baǵdarlamasy bekitildi.
