Ózbekstan Prezıdenti jańa syrtqy ister mınıstrin taǵaıyndady
TAShKENT. 29 jeltoqsan. QazAqparat /Qurmat Samarhan/ - Ózbekstan Respýblıkasynyń Prezıdenti Islam Kárimovtiń Jarlyǵy boıynsha Ózbekstannyń jańa syrtqy ister mınıstri taǵaıyndaldy,
dep habarlaıdy Ózbekstan Syrqy ister mınıstrliginiń resmı saıty.
Atap aıtsaq, Eler Ganıev Ózbekstan Respýblıkasy Premer-Mınıstriniń orynbasary-Syrtqy ister mınıstri bolyp taǵaıyndaldy.
E.Ganıev buryn Vıtse-premer-Syrtqy ekonomıkalyq baılanystar, ınvestıtsııa jáne saýda mınıstri bolyp qyzmet atqarǵan.
Ózbekstan Respýblıkasynyń Prezıdenti I.Kárimovtiń qaýlysy boıynsha burynǵy Syrtqy ister mınıstri Vladımır Norov Ózbekstan Respýblıkasy SІM bastyǵynyń birinshi orynbasary bolyp taǵaıyndaldy.
