Ózbekstan prezıdenti Tashkent hoqımyn taǵaıyndady
TAShKENT. 16 naýryz. QazAqparat - ÓR-nyń Prezıdenti Islam Kárimov el astanasynyń hoqımyn taǵaıyndady, dep habarlaıdy «ÓzA» memlekettik aqparat agenttiginen.
Atap aıtqanda, Ózbekstan Respýblıkasy Prezıdentiniń Jarlyǵymen, Ózbekstan Respýblıkasy Konstıtýtsııasy 93 babynyń 15-shi tarmaǵyna jáne 102 babyna sáıkes, sondaı-aq halyq depýtattarynyń Tashkent qalalyq Kengashy sheshimi boıynsha Tashkent qalasynyń hoqımy qyzmetine Rahmanbek Osmanov taǵaıyndaldy.
Ózbek BAQ-tarynyń habarlaýynsha, R.Osmanov bul taǵaıyndaýǵa deıin Ózbekstan astanasy hoqımy mindetterin atqarýshy qyzmetin atqarǵan.
