Ózbekstan Prezıdenti resmı saparmen Túrkimenstanǵa saparlaıdy
TAShKENT. 30 qyrkúıek. QazAqparat - Ózbekstan Prezıdenti Islam Kárimov Túrkimenstan Prezıdenti Gýrbangýly Berdymýhammedovtyń shaqyrtýymen 2012 jyldyń 1-2 qazan kúnderi resmı saparmen Ashhabad qalasynda bolady.
Bul týraly ÓR basshysynyń baspasóz qyzmetinen málim etti.
Kún tártibinde joǵarǵy deńgeıdegi kezdesýler - ózbek-túrkimen kópjosparly yqpaldastyǵyn damytý jáne óńirlik, halyqaralyq ózekti máseleler boıynsha kelissózder men pikir almasýlar ótkizý.
Kelissózderdiń nátıjesi boıynsha memleketter basshylarynyń birlesken málimdemesi qabyldanady, sondaı-aq saıası-dıplomatııalyq, saýda-ekonomıkalyq, mádenı-gýmanıtarlyq salalardaǵy ózara árekettestikti odan ári keńeıtýdi qarastyratyn birqatar qujattarǵa qol qoıylatyn bolady.
