Ózbekstan Prezıdenti naýryzda Qazaqstanǵa memlekettik saparmen keledi
ASTANA. QazAqparat - Ózbekstan Prezıdenti Shavkat Mırzıeev naýryzda Qazaqstanǵa memlekettik saparmen keledi, dep habarlady gazeta.uz.
Tashkentte Ózbekstan men Qazaqstan arasyndaǵy ekijaqty yntymaqtastyq boıynsha 16-shy birlesken úkimetaralyq komıssııanyń otyrysy ótti. Otyrys barysynda 2017 jylǵy naýryzda Ózbekstan prezıdenti Shavkat Mırzıeev Qazaqstanǵa memlekettik saparmen keletini belgili boldy.
Ózbekstan premer-mınıstriniń birinshi orynbasary Achılbaı Ramatov bul sapar strategııalyq áriptestiktiń jańa kezeńin ashýy tıis ekenin atap ótti.
Qazaqstandyq delegatsııany basqaratyn premer-mınıstrdiń birinshi orynbasary Asqar Mamın óz sózinde eki eldiń yntymaqtastyǵy serpindi damyp kele jatqanyn, kezekti otyrys eki taraptyń kóp josparly yntymaqtastyǵyn nyǵaıtýǵa yqylasty ekendigin rastaıtynyn atap ótti.
2016 jyldyń qorytyndysy boıynsha Ózbekstan men Qazaqstan arasyndaǵy taýar aınalymy 2 mlrd. dollardan asty.
