Ózbekstan Prezıdenti Qazaqstanmen yntymaqtastyqty tereńdetýge beıildiligin bildirdi

TAShKENT. QazAqparat - Qazaqstan Respýblıkasynyń Elshisi Beıbit Atamqulov Ózbekstan Prezıdenti Shavkat Mırzıeevke senim gramotalaryn tabys etti. QazAqparat bul týraly QR Syrtqy ister mınıstrligine silteme jasap habarlaıdy.

Málim etilgendeı, senim gramotalaryn tapsyrý rásiminen keıin ótken qysqasha suhbat barysynda Sh. Mırzıeev qazaq-ózbek qatynastarynyń saıası, saýda-ekonomıkalyq jáne gýmanıtarlyq salalardaǵy jaı-kúıi men damý perspektıvalaryna oń baǵa berip, ekijaqty qatynastardy nyǵaıtýǵa degen ózara qyzyǵýshylyqty atap ótti.

Ózbekstan Prezıdenti eki el arasynda paıdalanylmaǵan orasan zor áleýet bar ekenin atap ótip, Qazaqstanmen ózara tıimdi yntymaqtastyqty odan ári tereńdetýge beıildiligin bildirdi.