Ózbekstan Prezıdenti qazaqstandyqtardan alynǵan blıts-saýalnamany jarııalady
ASTANA. QazAqparat - Qazaqstandyqtar «Ózbekstan jaıly ne bilesiz?» degen suraqqa jaýap berdi. Blıts-saýalnamanyń vıdeosy Ózbekstan Prezıdentiniń paraqshasynda jarııalandy, dep habarlaıdy «QazAqparat» HAA.
Saýalnama barysynda qazaqstandyqtar Ózbekstannyń ózderi biletin qalalary, mádenıeti, taǵam túrleri, kınosy, tanymal tulǵalaryn atap bergen.
Buǵan deıin habarlanǵandaı, Ózbekstannyń Prezıdenti Shavkat Mırzıeev Qazaqstan Prezıdenti Nursultan Nazarbaevtyń shaqyrtýymen 2018 jyldyń 15 naýryzynda Astanaǵa jumys saparymen keledi.
Sapar barysynda ózbek delegatsııasy keń aýqymdy kún tártibin qamtıtyn Ortalyq Azııanyń elderi memleket basshylarynyń birinshi jumys (konsýltatıvtik) kezdesýine qatysady.
Budan bólek, Ózbekstan basshysy Qazaqstandaǵy Ózbekstan jylynyń resmı ashylý rásimine qatysady. Sondaı-aq Ózbekstan Prezıdenti men Qazaqstan Prezıdentiniń ekijaqty kezdesýi josparlanǵan.
