Ózbekstan Prezıdenti kadrlyq aýys-túıis jasady
TAShKENT. QazAqparat - Ózbekstan Prezıdenti Shavkat Mırzıeev kúsh qurylymynda birqatar kadrlyq aýys-túıis jasady, dep habarlaıdy QazAqparat «Gazeta.uz» saıtyna silteme jasap.
Ózbekstan Respýblıkasy basshysynyń aǵymdaǵy jylǵy 4 qyrkúıektegi Jarlyǵymen eldiń Іshki ister mınıstri Abdýsalom Azızov atqaryp otyrǵan qyzmetinen bosatylyp, Qorǵanys mınıstri bolyp taǵaıyndaldy. Buǵan deıin eldiń Qorǵanys mınıstri laýyzymynda bolǵan Kabýl Berdıev endigide Ózbekstannyń Qarýly kúshteri Akademııasyna basshylyq etedi.
Onymen bir mezgilde Іshki ister mınıstri qyzmetine buǵan deıin Horezm oblysynyń basshysy bolǵan Pýlat Bobojonov keldi.
