Ózbekstan Prezıdenti Frantsııa SІM basshysymen Aýǵanstandaǵy shıelenisti beıbit retteý máselesin talqylady
TAShKENT. 3 naýryz. QazAqparat - Ózbekstan Respýblıkasynyń Prezıdenti Islam Kárimov Frantsııa Respýblıkasynyń Syrtqy ister mınıstri Loran Fabıýsty qabyldady, dep habarlady ÓR basshysynyń baspasóz qyzmetinen.
Qonaqty qabyldaı otyryp I.Kárimov Ózbekstan Respýblıkasy Frantsııamen qarym-qatynasyna erekshe mańyz beretinin atap ótti, onyń dáleli yqpaldastyqtyń qarqyndy sıpaty jáne ózara kezdesýlerdiń belsene túsýi bolyp tabylady. I.Kárimov Frantsııa Prezıdenti Fransýa Olandqa izgi lebizderi men qarym-qatynastardyń aýqymyn keńeıtý nıetin bildirgen jýyrdaǵy joldaý hatyna shynaıy alǵysyn bildirdi.
Kezdesý barysynda óńirlik qaýipsizdik pen turaqtylyqty qamtamasyz etýdegi ózekti problemalar, eń aldymen, Aýǵanstandaǵy kópjyldyq shıelenisti beıbit retteý, onyń áleýmettik-ekonomıkalyq qaıta jańǵyrýyna qolǵabys etý máselesi qaraldy.
L.Fabıýs Ózbekstan prezıdentine jyly qabyldaýy jáne ózara qyzyǵýshylyq bar máselelerdiń keń aýqymy boıynsha konstrýktıvti jaǵdaıda pikirlermen almasý múmkindigi úshin alǵysyn bildirdi.
