Ózbekstan prezıdenti Elbasyn týǵan kúnimen quttyqtady

NUR-SULTAN. QazAqparat - Nursultan Nazarbaev Ózbekstan Respýblıkasynyń Prezıdenti Shavkat Mırzıeevpen telefon arqyly sóılesti, dep habarlaıdy QazAqparat Elbasynyń resmı saıtyna silteme jasap.

Shavkat Mırzıeev Qazaqstannyń Tuńǵysh Prezıdentin týǵan kúnimen quttyqtap, zor densaýlyq, baqyt pen Qazaqstan halqynyń múddesi jolyndaǵy jaýapty qyzmetine jańa jetistikter tiledi.

Ózbekstan Prezıdenti Nursultan Nazarbaev óz eliniń kóshbasshysy, tıimdi reformalardyń negizin salýshy, álemdik qoǵamdastyq moıyndaǵan jahandyq bastamalardyń avtory, sondaı-aq Qazaqstan-Ózbekstan strategııalyq seriktestik qatynastarynyń irgesin qalaýshy retinde úlken qurmetke ıe bolǵanyn atap ótti.

Elbasy Shavkat Mırzıeevke jyly lebizderi úshin rızashylyǵyn bildirip, baýyrlas eki el arasyndaǵy dostyq pen tatý kórshilik qatynastardy joǵary baǵalady.