Ózbekstan Prezıdenti Brıýsselde Eýroodaq jáne NATO-men aradaǵy qarym-qatynastardy talqylaıdy
TAShKENT. 24 qańtar. QazAqparat /Qurmat Samarhan/ - Ózbekstan Prezıdenti Islam Karımov Brıýsselge saparmen attandy, dep habarlady «ÓzA» aqparat agenttigi.
Eýropalyq komıssııa tóraǵasy Joze Manýel Barrozýdyń shaqyrýy boıynsha ótip otyrǵan bul sapardyń barysynda Ózbekstannyń Eýroodaqpen jáne NATO-men aradaǵy qarym-qatynastary, sondaı-aq ózara múddeli aımaqtyq jáne halyqaralyq mazmundaǵy máseleler talqylanbaq.
Sapar qorytyndysy boıynsha Ózbekstannyń Eýroodaqpen túrli salalardaǵy ózara qarym-qatynastaryn tereńdetýge baǵyttalǵan birqatar qujattarǵa qol qoıylady dep josparlanýda.
