Ózbekstan Prezıdenti Astanaǵa keldi

ASTANA. QazAqparat - Ózbekstan Prezıdenti Shavkat Mırzıeev Ortalyq Azııa elderi basshylarynyń jumys (konsýltatıvtik) kezdesýine qatysý úshin Astanaǵa keldi, dep habarlaıdy QazAqparat.

Mártebeli meımandy elorda áýejaıynan QR Premer-Mınıstriniń birinshi orynbasary Asqar Mamın kútip aldy.

Aıta keteıik, búgin elordada Ortalyq Azııa elderi, sonyń ishinde Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy basshylarynyń jumys (konsýltatıvtik) kezdesýi ótedi. Túrikmenstanda joǵary deńgeıdegi is-sharalardyń aldyn ala josparlanýyna baılanysty bul elden atalǵan jıynǵa Medjlıs tóraıymy A.T.Nýrberdyeva hanym qatysady.

Sonymen qatar búgin N.Nazarbaev pen Sh.Mırzıeevtiń qatysýymen Qazaqstandaǵy Ózbekstan jylynyń saltanatty ashylý rásimi ótedi. Sondaı-aq, eki el kóshbasshylary óner qaıratkerleriniń gala-kontsertine qatysady.

Foto: anons.uz