Ózbekstan prezıdenti álemdi ózgertýshi jańa tulǵalardyń ondyǵyna kirdi
ASTANA. QazAqparat - Ózbekstan prezıdenti Shavkat Mırzıeev óz elinde aıtarlyqtaı ózgerister engizýge yqpal etken on kóshbasshynyń qataryna kirdi, dep habarlaıdy QazAqparat ÓzA agenttigine silteme jasap.
«Derin Ekonomi» túrik ekonomıkalyq basylymy Ózbekstanda sońǵy ýaqytta bolyp jatqan ekonomıkalyq-saıası ózgeristerge baǵa bere kele, Shavkat Mırzıeevti óz eliniń jaǵdaıyn ózgertýge yqpal etýshi 10 tulǵa tizimine kirgizdi.
Túrik basylymynyń habarlaýynsha, Ózbekstannyń qazirgi prezıdenti tusynda erkin naryqty damytý, syrtqy saýda-sattyqty lıberalızatsııalaý, valıýta saıasaty, sheteldik ınvestorlar úshin elde jaǵdaılar jasaý kóterý baǵyttarynda jumystar túbegeıli ózgergen.
Aıta keteıik, bul reıtıng álemdik qaýymdastyqta jańa esimder bolyp sanalatyn kóshbasshylardan quralǵan. Atap aıtqanda, atalǵan tizimge BAÁ syrtqy ister mınıstri sheıh Abdýlla ben Zaıd al-Nahaııan, AQSh-tyń Federaldyq tergeý bıýrosynyń jetekshisi Robert Mıýller, Saýd Aravııasynyń taq murageri Aravıı Mýhammed bın Salman jáne t.b. kirgen.
