Ózbekstan Prezıdenti AQSh-tyń Memlekettik hatshysymen kezdesti
TAShKENT. QazAqparat - Ózbekstan Prezıdenti Islam Karımov búgin Samarqandta AQSh-tyń Memlekettik hatshysy Djon Kerrımen kezdesti, ol bul elge resmı saparmen alǵash ret keldi, dep habarlaıdy 12news.uz.
«Vashıngton Azııa elderiniń Aýǵanstandaǵy jaǵdaıǵa baılanysty qaýipsizdik úshin alańdaýlaryn bólisedi. Amerıkandyq tarap ásirese, Islam memleketi men ál-Kaıdanyń árektterine oraı radıkaldy ekstremızmniń taralýyna baılanysty máselelerdi jaqsy túsinedi», - dep atap ótti AQSh-tyń Memlekettik hatshysy Djon Kerrı.
Ol sonymen qatar Ózbekstan bıliginiń Uly Jibek jolynyń jaýharlary bolyp tabylatyn Samarqandtaǵy tarıhı eskertkishterdi saqtaýǵa degen kúsh-jigerin joǵary baǵalady.
