Ózbekstan prezıdenti 2700 adamǵa raqymshylyq jarııalady
TAShKENT. QazAqparat - Ózbekstan prezıdenti 2700 adamǵa raqymshylyq jarııalady, dep habarlaıdy menshikti tilshi ÝzA saıtyna silteme jasap.
Ózbekstan Respýblıkasy Konstıtýtsııasynyń qabyldanǵanyna 25 jyl tolar tusta Ózbekstan prezıdenti Shavkat Mırzıeev 2 700 adamǵa raqymshylyq jarııalaý týraly jarlyqqa qol qoıdy. Ol qandaı da bir jaǵdaılarǵa baılanysty qylmys jasaýǵa májbúr bolǵan, ózderiniń istegenderine shyn júrekten ókinetin, durys jolǵa túsken, ózi turatyn jerdegi jáne jazasyn óteýge arnalǵan mekeme qyzmetkerleri tarapynan oń baǵalanǵan 956 azamatty qamaýdan bosatý týraly sheshim qabyldady.
Raqymshylyq sharasy aıasynda sottalǵandardyń shuǵyl otbasylaryna qosylyp, elde júrgizilip jatqan reformalarǵa belsendi úles qosý úshin qoǵamǵa qaıta oralý múmkindigi berilip otyr.
