Ózbekstan Prezıdenti 15 naýryzda Qazaqstanǵa jumys saparymen keledi

TAShKENT. QazAqparat - Ózbekstannyń Memleket basshysy Shavkat Mırzıeev Qazaqstan Prezıdenti Nursultan Nazarbaevtyń shaqyrtýymen 2018 jyldyń 15 naýryzynda Astanaǵa jumys saparymen keledi, dep habarlaıdy «QazAqparat» HAA-nyń menshikti tilshisi Ózbekstan prezıdentiniń saıtyna silteme jasap.

Sapar barysynda ózbek delegatsııasy keń aýqymdy kúntártipti qamtıtyn Ortalyq Azııanyń elderi memleket basshylarynyń birinshi jumys (konsýltatıvtik) kezdesýine qatysady. Bul kezdesý 2017 jyly BUU Bas Assambleıasynyń 72-sessııasynda sóz sóılegen Prezıdent Sh.Mırzıeevtiń usynysy bolatyn, ol ony qarasha aıynda Samarqandta ótken «Ortalyq Azııa: Turaqty damý jáne birge órkendeý úshin ortaq tarıh jáne ortaq bolashaq» atty halyqaralyq konferentsııada jetildirip tutas baǵdarlamaǵa aınaldyrdy.

Ózbekstannyń bastamasy aımaqtaǵy barlyq eldiń qoldaýyna ıe boldy. Qazaqstan alǵashqy kezdesýdi Astanada joǵary deńgeıde ótkizýdi usynǵan bolatyn.

Sol kúni Ózbekstannyń basshysy Qazaqstandaǵy Ózbekstan jylynyń resmı ashylý rásimine qatysady. Sondaı-aq Ózbekstan Prezıdenti men Qazaqstan Prezıdentiniń ekijaqty kezdesýi josparlanǵan.

Aıta ketsek, Ózbekstan prezıdentiniń baspasóz hatshysy Komıl Allamjonovtyń málimdeýinshe buǵan deıin shet elderde Ózbekstan kúnderi ótkizilgen, alaıda Ózbekstan jyly alǵash ret ótkizilmekshi. Osyǵan baılanysty aýqymdy is-sharaǵa ázirlený úshin Astanaǵa quramynda mádenıet jáne óner qaıratkerleri, qolónershiler, jýrnalıster jáne basqa sala ókilderi bar Ózbekstannyń delegatsııasy keldi.

Eske sala ketsek, Qazaqstandaǵy Ózbekstan jylynyń saltanatty ashylý rásimi týraly buǵan deıin Elbasynyń aldaǵy jumys kestesin jarııa etken Aqorda baspasóz qyzmeti habarlaǵan bolatyn.  

Avtor: Mıras Qýandyqov