Ózbekstan prezıdenti Vladımır Pýtınniń rezıdentsııasyna jasalǵan shabýyldy aıyptady

TAShKENT. KAZINFORM — Ózbekstan basshysy Shavkat Mırzıeev pen Reseı prezıdenti Vladımır Pýtın telefon arqyly sóılesti, dep habarlaıdy Kazinform agenttiginiń menshikti tilshisi.

Áńgime basynda Shavkat Mırzıeev Reseı prezıdentiniń Novgorod oblysyndaǵy rezıdentsııasyna jasalǵan shabýyldy qatań aıyptaıtynyn málimdedi.

— Mundaı áreketter turaqtylyq pen qaýipsizdikke qater tóndirip, uzaq merzimdi beıbitshilik ornatý nıetine selkeý túsiredi, - delingen Ózbekstan prezıdentiniń baspasóz qyzmeti tartqan habarlamada.

Sondaı-aq, taraptar áńgime barysynda halyqaralyq jáne óńirlik mańyzdy máseleler boıynsha pikir almasyp, keler jylǵa josparlanǵan is-sharalar kestesin talqylady.

Eske salaıyq, buǵan deıin Reseıdiń Syrtqy ister mınıstri Sergeı Lavrov Ýkraına tarapy Vladımır Pýtınniń Valdaıdaǵy rezıdentsııasyna dronmen shabýyl jasaǵanyn málimdep edi.

— 28 jeltoqsannan 29 jeltoqsanǵa qaraǵan túni Kıev rejımi 91 dron qoldana otyryp, Reseı prezıdentiniń Novgorod oblysyndaǵy memlekettik rezıdentsııasyna terrorıstik shabýyl jasady, — dedi mınıstr.

Onyń aıtýynsha, osy jaǵdaıdan keıin Reseı kelissóz protsesi boıynsha óz ustanymyn qaıta qaraýǵa múddeli.