Ózbekstan prezıdenti memlekettik saparmen Frantsııaǵa bara jatyr
TAShKENT. KAZINFORM – Ózbekstan basshysy Shavkat Mırzıeev Frantsııa prezıdenti Emmanıýel Makronnyń shaqyrýymen búgin memlekettik saparmen Parıjge attandy, dep habarlaıdy Kazinform agenttiginiń menshikti tilshisi.
Ózbekstan prezıdentiniń baspasóz qyzmetinen habarlaǵandaı, sapar aıasynda joǵary deńgeıdegi kelissózder ótedi. Sonymen qatar, Frantsııanyń jetekshi kompanııalarymen birqatar kezdesý uıymdastyrý josparlanǵan.
Onyń barasynda Ózbekstan men Frantsııa arasyndaǵy qarym-qatynasty nyǵaıtý men ózge de ózekti máseleler talqylanady.
Sammıt qorytyndysy boıynsha memleketaralyq, úkimetaralyq jáne vedomstvoaralyq kelisimderge qol qoıylmaq.
Eske salaıyq, Eýroodaq pen Ortalyq Azııa elderiniń alǵashqy sammıti bıyl sáýirde Ózbekstanda ótedi. Onyń barasynda óńir memleketteri men eýroaımaq elderiniń arasyndaǵy yntymaqtastyq máseleleri qaralady.
Qosa ketsek, Eýroodaqtyń ǵylymı zertteýlerdi qarjylandyrý baǵdarlamasy Ortalyq Azııamen yntymaqtastyqty jalǵastyrmaq.