Ózbekstan prezıdenti Qytaıǵa memlekettik saparmen barady

TAShKENT. KAZINFORM – Qytaı Halyq Respýblıkasynyń Tóraǵasy Sı Tszınpınniń shaqyrýymen Ózbekstan prezıdenti Shavkat Mırzıeev 23-25 qańtar aralyǵynda osy elge memlekettik saparmen barady, dep habarlaıdy Kazinform agenttiginiń menshikti tilshisi Álıhan Asqar.

Ózbekstan basshysynyń baspasóz qyzmetinen málimdegendeı, sapardyń baǵdarlamasyna sáıkes, joǵary deńgeıdegi kelissózder, sondaı-aq birqatar ekijaqty kezdesý ótkizý josparlanǵan. Onyń barysynda ózbek-qytaı qatynastaryn odan ári nyǵaıtý jáne jan-jaqty strategııalyq áriptestikti keńeıtý máseleleri talqylanbaq. 

Sonymen qatar Ózbekstan prezıdenti Qytaı óńirleriniń birine baryp, jetekshi kompanııalar men bank-qarjy ınstıtýttarynyń basshylarymen kezdesý ótkizedi.