Ózbekstan prezıdenti ekonomıkalyq damýǵa selqos qaraǵan 10 hokımdi qyzmetinen bosatty

TAShKENT. KAZINFORM – Ózbekstan prezıdenti Shavkat Mırzıeev 9 oblys pen 1 qala hokımin jumystan bosatyp, taǵy 28 hokımge tártiptik jaza qoldaný týraly premer-mınıstrdiń usynysyn maquldady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan basshysynyń baspasóz hatshysy Sherzod Asadov málim etkendeı, búgin Shavkat Mırzıeevtiń tóraǵalyǵymen birinshi jartyjyldyqtaǵy ekonomıkalyq damý kórsetkishteri jaıly keńes ótti.

Onyń barysynda prezıdent eldiń áleýmettik-ekonomıkalyq ilgerileýine úles qosyp jatqan sala mamandaryna, oblys pen aýdandarǵa jáne kásipkerlerge alǵysyn bildirdi.

Sonymen birge, Shavkat Mırzıeev premer-mınıstr Abdýlla Arıpovtyń Qaraózek, Tahıatash, Úshqudyq, Tashkent, Fýrkat, Gýrlen, Mırzaabad, Jańaaryq, Myńbulaq aýdandary men Gazgan qalasynyń hokımderin jumystan bosatý týraly usynysyn maquldady. Olar basshylyq etýdegi júıeli kemshilikteri úshin qyzmetinen aıyryldy.

Buǵan qosa, aýdandar men qalalardyń taǵy 28 hokımi tártiptik jazaǵa tartyldy.