Ózbekstan Parlamenti respýblıka Premer-Mınıstriniń kandıdatýrasyn bekitti

Atap aıtqanda, Ózbekstannnyń Olıı Májilisiniń eki palatasynyń búgingi birlesken otyrysynda Prezıdent Islam Karımov Shavkat Mırzııaevtiń kandıdatýrasyn usyndy. Jasyryn daýys berý nátıjesi boıynsha depýtattar Sh.Mırzııaevtiń kandıdatýrasyn biraýyzdan qoldady.

Ózbekstan Konstıtýtsııasynyń qaǵıdalaryna sáıkes respýblıkanyń jańa parlamenti qalyptasqannan keıin Premer-Mınıstr bastaǵan respýblıka mınıstrler kabıneti óziniń ókildikterin toqtatady. Odan ári el Prezıdenti mınıstrler kabıneti basshysynyń jańa kandıdatýrasyn usynady jáne ol Olıı Májilis palatalarynyń birlesken otyrysynda bekitilýi tıis.

Shavhat Mırzııaev 2003 jylǵy jeltoqsannan Ózbekstan Premer-Mınıstri qyzmetin atqaryp keledi. Odan buryn 2001 jylǵy qyrkúıekten bastap Samarqand jáne Jızaq oblystarynyń hokımi (gýbernator) qyzmetterinde boldy.