Ózbekstan óz noýtbýkteri men planshetterin shyǵarýdy josparlaýda
TAShKENT. QazAqparat - 2015 jylǵy jeltoqsanda Ózbekstandaǵy «Navoı» erkin ındýstrıaldyq-ekonomıkalyq aımaǵynda zamanaýı telefondar, planshetter, noýtbýkter men teledıdarlar shyǵarylatyn bolady.
Bul týraly jergilikti BAQ habarlady.
Qytaılyq Poyang shansung comers co. LTD kompanııasy ózbek tarapynyń áriptesi bolmaq. Ol Ózbekstanda UzHongKong birlesken kásiporynyn ashty. Kásiporyn bazasynda gadjetterdi, elektr-turmystyq tehnıkalardy keńinen shyǵarý qolǵa alynýda. Josparlanǵan qýaty - jylyna 1,1 mln. birlik. Osy jyldyń sońyna deıin shamamen 770 myń birlik túrli ónimder shyǵarylady dep kútilýde.
