Ózbekstan OSK halyqaralyq uıymdardy prezıdent saılaýyna shaqyrdy
ASTANA. QazAqparat - Ózbekstan OSK birqatar halyqaralyq uıymdarǵa prezıdent saılaýyna resmı túrde shaqyrtý joldady. Sonyń ishinde shaqyrtý elde ótetin prezıdent saılaýyna baqylaý jasaý úshin Eýropadaǵy qaýipsizdik jáne yntymaqtastyq uıymyna (EQYU), Táýelsiz Memleketter Dostastyǵy (TMD) Atqarýshy komıtetine, Shanhaı Yntymaqtastyq Uıymyna (ShYU) jiberildi.
2 qyrkúıek kúni 78 jasynda Ózbekstannyń Prezıdenti Islam Karımov ómirden ótti. Osy oqıǵadan keıin eldi ýaqytsha basqarý mindeti respýblıkanyń premer-mınıstri Shavkat Mırzıeevke júkteldi. Ózbekstan OSK tóraǵasy Mırza-Ýlýgbek Abdýsalomov málim etkendeı, elde prezıdent saılaýy 4 jeltoqsan kúni ótkiziledi, dep jazady RIA Novostı.
Buǵan deıingi 2015 jyly 29 naýryzda ótken Ózbekstan prezıdenti saılaýyna OBSE baıqaýshylardy shekteýli ǵana kólemde jibergen edi: 43 elden 300-deı ǵana baıqaýshy saılaý barysyn baqylaǵan bolatyn.
