Ózbekstan OSK el parlamentine saılaý barysynda zań buzýshylyq bolmaǵanyn habarlady
ASTANA. QazAqparat - Ózbekstan parlamentine úmitkerlerdi saılaýǵa jergilikti ýaqytpen saǵat 13:00-degi jaǵdaı boıynsha kelýshiler sany 51 paıyzdy qurady, qazirge deıin zań buzýshylyq jaıynda habarlama túsken joq, dep málimdedi Tashkentte ótken brıfıngte respýblıkanyń OSK tóraǵasy Mırza-Ýlýkbek Abdýsalomov.
Abdýsalomov 9035 saılaý ýchaskesi bolsa, onyń ishinde 44-i sheteldik ókildiktermen qalypty jumys istep jatqanyn habarlady. «Ázirge zań buzýshylyq jaıynda habarlama túsken joq», - dedi ol.
OSK tóraǵasy Ózbekstanda parlamenttik saılaýǵa kelýshiler saǵat 10:00-diń ózinde 34 paıyzǵa jetkenin atap ótti. Onyń aıtýynsha, «Olıı Majlıske saılaý týraly» Zańnyń 44-babyna sáıkes Parlamenttiń Zańnamalyq palatasyna depýtattardy saılaý eger oǵan saılaýshylardyń 33 paıyzy qatyssa, ótti dep sanalady.
