Ózbekstan Ortalyq banki negizgi mólsherlemeni ózgerissiz qaldyrdy
ASTANA. KAZINFORM — Ózbekstan Ortalyq banki 16 qyrkúıekte ótken otyrysynda negizgi mólsherlemege ózgeris engizbedi. Osylaısha eldegi negizgi mólsherleme 14 paıyz deńgeıinde saqtaldy.
Retteýshi organnyń málimdeýinshe, álemdik naryqtaǵy shıkizat, azyq-túlik jáne energııa baǵasynyń ósýi ımport arqyly Ózbekstandaǵy taýarlar men qyzmetterdiń qymbattaýyna áser etip otyr. Sonymen qatar orta merzimdi kezeńde tasymaldaý men logıstıka shyǵyndarynyń ósýi de ınflıatsııaǵa qysym jasap otyr.
— Inflıatsııanyń tómendeýi jalǵasyp, ekonomıkadaǵy jaǵdaı birtindep turaqtalyp keledi. Alaıda baǵanyń qaıta ósýine áser etýi múmkin birqatar qater áli de saqtalǵan. Osyǵan baılanysty retteýshi ınflıatsııalyq qysymdy tejeý úshin qazirgi qatań aqsha-nesıe saıasatyn jalǵastyrý qajet, — dep atap ótti Ortalyq bank baspasóz habarlamasynda.
Tamyzda Ózbekstandaǵy jyldyq ınflıatsııa 6,2 paıyzǵa deıin tómendep, baǵanyń ósý qarqyny baıaýlaı tústi. Al negizgi ınflıatsııa 5,5 paıyz shamasynda boldy.
— Sonymen qatar baǵasy jylyna 5 paıyzdan joǵary ósip jatqan taýarlar men qyzmetterdiń úlesi artyp keledi. Bul ekonomıkadaǵy baǵa ósiminiń áli de turaqty sıpat alyp otyrǵanyn kórsetedi, — delingen málimdemede.
Buǵan deıin AQSh Federaldyq rezerv júıesi mólsherlemeni 4%-ǵa kótergenin habarlanǵanbyz.
Aqzat Jıenalına
