Ózbekstan Ortalyq banki eski úlgidegi 100 dollarlyq kýpıýraǵa qatysty málimdeme jasady

TAShKENT. KAZINFORM — Ózbekstan Respýblıkasynyń Ortalyq banki qazirgi tańda memleket aýmaǵynda bankterdiń eski úlgidegi 100 AQSh dollary banknottaryn (2009 jylǵa deıin shyǵarylǵan) satý-satyp alý operatsııalary esh qıyndyqsyz júrgizilip jatqanyn málimdedi, dep habarlaıdy Kazinform tilshisi UzAǵa silteme jasap. 

Sondaı-aq, bank eski úlgidegi 100 dollarlyq banknottardyń eshbir memleket shotyndaǵy zańdy tólem quraly retindegi mártebesi ózgermegenin málimdedi.

Ózbekstan Ortalyq banki halyqty jáne kásipkerlik sýbektilerin áleýmettik jelilerde tarap jatqan tekserilmegen aqparatqa senbeýge jáne tek resmı derekkózderge senýge shaqyrady.

Sondaı-aq, kommertsııalyq bankterdiń valıýta aıyrbastaý pýnktterinde eski úlgidegi 100 AQSh dollary banknottaryn qabyldaý kezinde qıyndyqtar týyndasa, Ortalyq banktiń «Jedel jeli» baılanys nómirine (71 200-00-44) nemese aımaqtyq bólimshelerine habarlasýǵa bolatyny aıtylǵan.

Óz kezeginde Ózbekstan Ortalyq banki osyǵan baılanysty jaǵdaıdy únemi qadaǵalap otyrǵanyn aıtady.

Sonymen qatar, Ózbekstan Respýblıkasynyń «Valıýtalyq retteý týraly» Zańyna sáıkes, rezıdentter men beırezıdentterdiń memleket aýmaǵynda shetel valıýtasyn satyp alý jáne satýy tek jergilikti bankter arqyly júzege asatynyn eskertedi.

Eske sala keteıik, Ózbekstanǵa aqsha aýdarymdary ótken jylmen salystyrǵanda 34%-ǵa óskeni jaıly jazǵan edik.