Ózbekstan «Ortalyq Azııa - Japonııa 2040» yntymaqtastyq strategııasyn ázirleýdi usyndy
TAShKENT. KAZINFORM – «Ortalyq Azııa – Japonııa» alǵashqy sammıtine qatysqan Ózbekstan prezıdenti Shavkat Mırzıeev atalǵan formatty damytýǵa qatysty birqatar bastama kóterdi, dep habarlaıdy Kazinform agenttiginiń menshikti tilshisi.
Ózbekstan basshysy format jumysyna serpin berýge baǵyttalǵan óziniń kózqarasyn baıandaı kele, Ortalyq Azııa men Japonııanyń 2040 jylǵa deıingi yntymaqtastyq strategııasyn qabyldaýdy usyndy.
- Bul qujatqa óńir elderiniń turaqty damýyna járdemdesetin jáne olardyń jahandyq ekonomıkalyq úrdisterge tereń ıntegratsııalanýyna baǵdar beretin jobalar enýi qajet. Bul máselelerdi jan-jaqty zerdeleý úshin elderimizdiń jetekshi taldaý qurylymdarynyń qatysýymen sarapshylar forýmyn ótkizý mańyzdy. Bul rette Tashkent keler jyly forýmnyń birinshi otyrysyn qabyldaýǵa daıyn, - dep toqtaldy Sh.Mırzıeev.
Keıin kórshiles eldiń prezıdenti japon qarjy ınstıtýttaryn Ortalyq Azııadaǵy saýda-ekonomıkalyq jáne ınvestıtsııalyq jobalardy qoldaýǵa shaqyrdy. Onyń paıymynsha, aımaq elderiniń jer asty baılyqtaryn ıgerýde Tokıonyń ındýstrııalyq jáne tehnologııalyq áleýetin tıimdi paıdalaný oryndy.
- Osy oraıda, Ortalyq Azııanyń ınfraqurylymy men ónerkásibin damytýdyń ınvestıtsııalyq qoryn qurýdy usynamyz. Onyń negizinde óńirdegi iri ınfraqurylymdyq jobalardy iske asyrý úshin japon ınvestıtsııasyn, tehnologııasyn, ınjenerlik standartyn tartýǵa baǵyttalǵan «Sapaly ınfraqurylym» baǵdarlamasyn iske asyrýǵa bolady, - dedi Ózbekstan prezıdenti.
Shavkat Mırzıeev tsıfrlyq transformatsııa máselelerine de erekshe toqtaldy. Onyń aıtýynsha, bul sektor ekonomıkalyq ósimniń ózegine aınalyp keledi.
- Osyǵan baılanysty tsıfrlyq sheshim, jasandy ıntellekt, kıberqaýipsizdik jáne ınnovatsııalyq ekonomıka salasyndaǵy yntymaqtastyqtyń kópjaqty platformasy – «Ortalyq Azııa – Japonııa» tsıfrlyq habyn qurýdy usynamyz, - dep túıindedi Ózbekstan basshysy.
Eske salaıyq, taıaýda Ózbekstan Ońtústik-Shyǵys Azııadaǵy Dostyq jáne yntymaqtastyq shartyna qosyldy.
Buǵan deıin habarlaǵanymyzdaı, Ózbekstan prezıdenti Shavkat Mırzıeev OA memleketteri basshylarynyń Konsýltatıvtik kezdesýinde Ortalyq Azııa elderi qoǵamdastyǵyn qurýdy usyndy.