Ózbekstan Orta dáliz arqyly Eýropalyq Odaqqa júk tasymalyn arttyrmaq
TAShKENT. KAZINFORM – Ózbekstan Transkaspıı halyqaralyq kólik dálizi arqyly Eýropalyq Odaqqa tranzıttik júk tasymalyn arttyrýǵa nıetti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
ÓR Kólik mınıstrliginen málim etkendeı, Tashkentte Ózbekstan men Bolgarııa arasyndaǵy halyqaralyq kólik baılanysy jónindegi komıssııasynyń otyrysy ótti. Onda taraptar júk tasymaly salasyndaǵy yntymaqtastyqty keńeıtý jáne kólik kásiporyndary úshin jaǵdaı jasaý máselelerin talqylady.
Buǵan qosa, kezdesýge arqaý bolǵan taqyryptyń biri – Transkaspıı halyqaralyq kólik dálizi arqyly Eýropalyq Odaqqa tranzıttik júk tasymalyn ulǵaıtý.
«Ózbekstan men Bolgarııanyń kólik vedomstvolary júk kólikteriniń júrgizýshilerine beriletin ruqsat blankileriniń sanyn 2025 jyly 15 esege ulǵaıtýǵa ýaǵdalasty», - delingen mınıstrliktiń baspasóz qyzmeti taratqan habarlamada.
Eske salaıyq, buǵan deıin Transkaspıı kólik baǵdary arqyly ótetin júk kólemi 5 ese artýy múmkin ekenin jazyp edik.