Ózbekstan Ońtústik-Shyǵys Azııadaǵy Dostyq jáne yntymaqtastyq shartyna qosyldy

TAShKENT. KAZINFORM — Ońtústik-Shyǵys Azııa memleketteri qaýymdastyǵyna (ASEAN) múshe elder Ózbekstannyń osy uıym aıasyndaǵy Dostyq jáne yntymaqtastyq týraly shartqa qosylý ótinimin maquldady, dep habarlaıdy Kazinform agenttiginiń menshikti tilshisi.

Syrtqy ister mınıstrligine qarasty Dunyo agenttiginiń aqparatyna saı, Ózbekstannyń atalǵan qujatqa qosylýy týraly bastamany el prezıdenti Shavkat Mırzıeev kótergen.

Bir jylǵa jýyq daıyndyq pen kelissózden keıin Kýala-Lýmpýrda ótken ASEAN Syrtqy ister mınıstrleriniń kezdesýinde resmı Tashkenttiń usynysy maquldandy.

Toqtala keteıik, Ońtústik-Shyǵys Azııadaǵy Dostyq pen yntymaqtastyq týraly kelisimine 1976 jyly 24 aqpanda Indonezııanyń Balı qalasynda qol qoıylǵan. Ol ASEAN aımaǵyndaǵy yntymaqtastyqtyń negizgi qaǵıdalaryn anyqtaıtyn mańyzdy qujat sanalady.

— Ózbekstannyń osy shartqa qosylýy elimiz úshin jańa múmkindikter ashady. Bul memleketter arasyndaǵy «G2G» yntymaqtastyǵyna ǵana emes, sonymen qatar saýda-ekonomıkalyq jáne ınvestıtsııalyq baılanystardy odan ári nyǵaıtýǵa yqpal etedi, — dep habarlady Dunyo agenttigi.

Qosa ketsek, buǵan deıin Ózbekstan prezıdenti ıÝNESKO-nyń Jasandy ıntellekt mektebin ashýdy usyndy.

Sondaı-aq, taıaýda kórshiles el basshysy Shavkat Mırzıeev Ortalyq Azııa memleketteri basshylarynyń Konsýltatıvtik kezdesýin strategııalyq format deńgeıine kóterý bastamasyn alǵa tartty.