Ózbekstan men Úndistan birlesken áskerı oqý-jattyǵý ótkizip jatyr
TAShKENT. KAZINFORM – Ózbekstannyń Namanǵan oblysyndaǵy «Gýrýmsaraı» polıgonynda eki eldiń birlesken áskerı oqý-jattyǵýy bastaldy, dep habarlaıdy Kazinform agenttiginiń Tashkenttegi menshikti tilshisi.
Qorǵanys mınıstrliginiń málimetinshe, 120-ǵa jýyq áskerı qyzmetshi qatysyp jatqan oqý-jattyǵý 25 sáýirge deıin jalǵasady. Onyń basty maqsaty – áskerı yntymaqtastyqty nyǵaıtý jáne taýly jerlerde operatsııalar júrgizý mashyqtaryn shyńdaý.
Oqý-jattyǵý barysynda áreketterdi birlesip josparlaý, taktıkalyq is-qımyl jáne arnaıy qarý-jaraqty qoldanýdyń negizgi daǵdylaryna erekshe nazar aýdarylady.
- «Dostyq – 2026» jattyǵýlary birlesken operatsııalardy júrgizý boıynsha tájirıbe almasýǵa jáne komandalyq úılestirýdi nyǵaıtýǵa múmkindik beredi. Sondaı-aq, bul ekijaqty qorǵanys yntymaqtastyǵyn damytýǵa negiz bolady, - delingen mınıstrliktiń habarlamasynda.
Eske salaıyq, byltyr qazanda Ózbekstandaǵy «Kattakýrgan» polıgonynda Qazaqstan, Tájikstan, Ázerbaıjan jáne Qyrǵyzstan qorǵanys kúshteriniń «Birlik – 2025» áskerı oqý-jattyǵýy ótken edi.
Buǵan deıin habarlaǵanymyzdaı, Ilham Álıev 2026 jyly Ázerbaıjanda TMU elderiniń áskerı jattyǵýlaryn ótkizýdi usynǵan edi.
